Pini

Pini (kullõq) om kodoelläi. Tedä peetäs soe alamblihis (Canis lupus familiaris) vai ütes pinne perrekunna lihis (Canis familiaris).

Pini

Piniq ommaq hääq inemise sõbraq. Pini päämäne tüü om maja valvminõ. Viil om näist api jahipidämise, inemiisi pästmise (nt. viist, lumõst), narkootikidõ otsmisõ ja muu man.

Pini tiinüs kest keskmädselt 65 päivä.

Pinne nimeq

Vanast panti Võromaal pinnele sääntsit nimmi: Muri, Mudi, Muki, Tuks, Taks, Kaaru, Karu, Pati, Kudi, Kuti, Krants, Lond'o, Pond'o, Pun'u, Assu, Reks, Sapi.

Vahtsõmbist pini- ja kassinimist või lukõq Võro-Seto tähtraamatust 2008. aastaga pääle.

Mõistatuisi pini kotsilõ

• Neli tegeväq asõnd, kats näütäseq tuld, üts heitäs magama? (Pini heitäs magama. Urvastõ kihlkund, 1940.)
• Neli säädväq asõnd, kats näütäseq tuld, üts hiit magama? (Pini. Rõugõ kihlkund, 1896.)
• Kõvvõr kuus kooba läve iihn? (Pini hand. Rõugõ kihlkund, 1896.)
• Kõvvõr kuusõkõnõ koobasuu pääl? (Pini hand. Harglõ kihlkund, 1921/7.)