Kaudõnõ kõnõviis vai kvotatiiv vai modus obliquus om kõnõviis, miä and edesi kelle kolmanda käest kuuld juttu, näütüses Ilves ollõv hindäle auto saanuq.

Kaudõst kõnnõviit om võro keelen lajalt löüdäq, a ka eesti ni liivi keelen om sääne nätüs olõman.

Võro kiil toimõndaq

Võro keelen om kaudõdsõl kõnnõviiel mitu lõppu, egä kotussõ pääl veidükese esiqmuudu.

Kats kõgõ haliligumbat lõppu ommaq:

  • -vat: Timäst olõvat sääl määnegi suur nõna saanuq.
  • -v: Timäst ollõv sääl määnegi suur nõna saanuq.

-v lõpp om vanõmb ja tükis häömä, rohkõmb om taad kuuldaq õdagu- ja lõunavõro keelen, muial Võromaal om v-kvotatiivi veidemb.

-vat lõppu pruugitas ka eesti kiräkeelen ja taad pruugitas egäl puul Võro- ja Setomaal.

Mõnikõrd antas kaudõst kõnnõviit edesi ka lõpuga -bev: Susi süübev suurõ näläga tõsõ soe vällä.