Mikko Marianne

Mikko Marianne (näiop. Sisaski Marianne, sündünüq 26. süküskuu pääväl 1961 Võrol) om eesti aokiränik, poliitik, feminist ja Sotsiaaldemokraatligu Eräkunna liigõq. Tä oll' 2004–2009 Õuruupa Parlamendi liigõq ja XII ni XIII Riigikogo liigõq.

Elokäük

Mikko Marianne sündü 1961. aastagal Võro liinan, näiopõlvõnimi oll' Sisask. Tä lõpõt' 1979. aastagal Pärno 1. Keskkooli ja 1984. aastagal Tarto Ülikooli aokirändüse pääl.

Aastil 1984–1991 Mikko oll' Eesti Raadio toimõndaja; nädälilehe Eesti Ekspress toimõndaja 1991–1992 ja 1993–1994; priitahtlik aokiränik Lõunõ-Afriga Vabariigin 1992–1993; aolehe Eesti Päevaleht erikorrespondent Õuruupa Liido ni NATO man 1994–1996. 1996–2000 oll' tä Brüsselin Eesti Televisiooni diplomaatilinõ korrespondent, aastil 2000–2002 erikorrespondent; 2002–2004 oll' Raadio Kuku “Välismääraja” saatõjuht, Maalehe erikorrespondent 2002–2003 ja aolehe Diplomaatia päätoimõndaja 2003–2004.

Tä om 1985. aastagast Eesti Aokiränige Liido liigõq; 2002. aastagast Sotsiaaldemokraatligu Eräkunna liigõq; 2003. aastagast Women in international Security – Estonia (WIISEST) liigõq; 2004. aastagast Õuruupa Aokirändüsföderatsiooni juhatusõ asõndusliigõq ja aokirä Diplomaatia kolleegiumi liigõq.