Tiiq vallalõ päävalik
Moostõ mõisa 2008. a. mahlakuun

Moostõ mõisa (sks. k. Moisekatz) oll' perismõisa Põlva kihlkunnan põrõhõlladsõ Moostõ valla alal. Mõisahuunõq jääseq Moostõ alõvikku Räpinä-Tarto tiist hummogu poolõ Moostõ järve viirde ni noin tüütäs Moostõ põhikuul. Moostõ mõisa läänist' 16. aastagasaa lõpon Poola kuning Batory Stefan Võnnu maakohtunigulõ Sturtzi Wilhelmile.

InemiseqToimõndaq

  • Edimäne umanik oll' Sturtzi Wilhelm, pääle tedä Sturtzi Caspar.
  • Roodsi aol mõisa riigistõdiq, agaq 1625 and' Roodsi kuning Gustav Adolf Moostõ mõisa ooberstilõ Güntersbergi Joachim Nicolausõlõ. Ku tuu kuuli, riigistõdiq mõisa vahtsõst.
  • 1717 kinke Piitre I mõisa krahvilõ Jaguschinsky Paulilõ.
  • 1810 läts Moostõ mõisa abielo kaudu paronilõ Nolckeni Axel Gustav Friedrichilõ (1767-1845).
  • Perämäne umanik oll' Nolckeni Axel Gustav, kiä elli Kuramaal. Moostõn elli agaq uma peregaq rentnik Nolcken Gustav Eduard, kiä läts' 1918 Eestist Roodsi kaudu S'aksamaalõ.
  • 1920 mõisa riigistõdiq ni tuust aost pääle tüütäs mõisa härbänin kuul.

HuunõqToimõndaq

 
Moostõ mõisa 2008. a. mahlakuun

Nolckeni Eduard muut' Moostõ mõisa 20. aastagasaa alostusõn Lõuna-Eesti ütes ilosambas mõisakompleksis. Riia ehitüskunstnigu Reinbergi Augusti projekti perrä ehitet katõkõrdnõ heimatstiilin päähoonõq sai valmis 1909. aastagal. Huunõl om kiltkivikatus ni kulka ärklit ja karniise.

Korgõ sokligaq huunõl ommaq keerolidseq ja häste dekoreerit detailiq. Mud'o krohvit huunõl ommaq aknidõ ja ussi piirdõq laot savikivvest.

Moostõ mõisa uhkusõs om Eesti üts kõgõ uhkõmb historitsistlik kõrvalhuunidõ kompleks. Inämbüs noist om tett maakikivvest ni kaunistõt savikivvegaq, minkast om luud keeroliidsi kirjo.

Ilosaq ommaq kaiaq val'tsõjamaja, viinavabrik, tall, laut, sepikuda jne. Nimmada tulõ viil suurt hulka värehtit, minkast pall'oq ommaq sama tsihi pääl. Lõpmalda illos om kellätorn, miä om ehitet mõisa ümbre olõva müürü nukatornis ja miä om saanuq inspirats'uuni keskaigsõst kandsiehitüskunstist. Mitte kongi muial Eestin ku Moostõn olõ-iq majandushuunil nii pall'o ilostuisi.

Kar'amõisaqToimõndaq

  • Jaani
  • Kauksi
  • Vahtsõmõisa

Kaeq viilToimõndaq

VälisllingiqToimõndaq