Savo murdõq

Savo murdõq (soomõ keelen savolaismurteet) ommaq rühm soomõ keele hummogumurdit, midä kõnõldas pääle Savo maakunna viil ka Kesk-Soomõn, Põh'a-Kar'alan, Kainuun, Lõunõ-Põh'amaal ja Koillismaal.

Kon Savo murdit kõnõldas

Alarühmäq

1. Põh'a-Savo murdõq
2. Lõuna-Savo murdõq
3. Savonlinna kandi murdõq
4. Hummogupoolidsõq Savo murdõq vai Põh'a-Kar'ala murdõq
5. Kainuu murdõq
6. Kesk-Soomõ murdõq
7. Päijät-Häme murdõq
8. Keuruu–Evijärve murdõq
9. Vermlandi Savo murdõq

Tunnussõq

T nõrk vastõq

Ku soomõ kiräkeelen om t nõrk vastõq d, näütüses pata: padan, sis Savo murdõq ommaq d ärq kaotanuq vai millegi muugaq asõndanuq.

Mahtaako suaha kalloo? 'Ei tiiä, kas kallo ka saa'. (Soomõ kiräkeelen olnuq seo saada)

Ts vastõq

Ku kiräkeelen om ts, näütüses metsä 'mõts', om Savo murdin seo asõmal ht: mehtä.

Tyttö männöö mehtään 'Tütrik lätt mõtsa'

Vahõqhelü

Ku võro keelen võit üteldäq külm, Volvo, silmäq, sis Savon tulõ sinnä helü vaihõlõ: kylymä, Volovo, silimät.

Katsikvabahelle reduktsioon

Nuuq katsikvabahelüq, mink lõpun om i, u vai ü (soomõ kiräviie perrä y), ommaq muuunuq e, o- vai ö-lõpulidsõs:

Kyllä Savonmua on oekein toloku immeisten mua.

Savo murrõq kultuurin

Suumlaisi eepos "Kalõvala" om tõlgit ka Savo murdõhe.

Ka muial maailman tunnõt "Ievan polkka" (võro keelen "Eeva polka") om laulõt Savo murdõn.

Soomõn tetäs savolaisi üle kõik aig nall'a, et nä ei mõistaq midägi õkva är üteldäq. Üle soomõ om tunnõt Savokiilne lausõq "Suattaapi olla että on, suattaapi olla että ei" 'Vai ollaq et om, a vai olla olõ-õiq."