'''Seto kiil''' om Eesti põlinõ piirkundlinõ kiil vai [[regionaalkiil]], miä kuulus [[õdagumeresoomõ keeleq|õdagumeresoomõ kiili]] hulkasekkä ja midä kõnõlõs umbõs 5000 (12,549<ref> [[Statistikaamet]] [http://pub.stat.ee/px-web.2001/Dialog/varval.asp?ma=RLE07&lang=2]</ref>) inemist, päämidselt Lõunahummogu-Eestin, [[Setomaa]]l. Seto kiil om üts lõunaeesti keelist ja võro keelega küländ üttemuudu, nii et puht keeletiidüse perrä võinuq tedä pitäq võro keele osas, a et setodõl ommaq alalõ väega esiqmuudu vanaq kombõq ja kimmäs [[hindätiidmine]], sis või kõnõldaq võro ja seto keelest eräle. Eesti traditsioonilidsõ murdõtiidüse perrä om setodõ kiil eesti keele lõunaeesti murdõrühmä vai päämurdõ Võro [[murrõq|murdõ]] Seto [[murrak]].
