[[Pilt:Solon.jpg|right|thumb|Soloni rinnakujo, midä hoitas [[Napoli rahvuslik arkeoloogiamuusõum|Napoli rahvusligun arkeoloogiamuusõumin]] Itaalian.]]
'''Ateena Solon''' (Σόλων; sündü aastagidõ 640 ja 635 vaihõl inne mi aigu ja koolikuuli umbõs aastagal 559 inne mi aigu [[Ateena]]n) oll´' [[Vana-Kreeka|vanakreeka]] luulõtaja, kaupmiis, rännümiis ja poliitik. Tä om üts kreeka [[Säidse tarka|säidsmest targast]].
Solon oll´' peri ülembärahva siäst, [[Kodriidiq|Kodriide]] hõimust, kost olliq peri ka Ateena kunigaq. Ku tä oll´' nuur miis, tiindse tä elätüst kaupmehetüüga ja täl oll´' uma laiv, minkaga sai ilma piten sõita. Inne poliitigutüü võtmist oll´' tä Ateenan tuntu ku luulõtaja, kink [[eleegiä]]q ni [[jamb]]iq kõnõliq säädüisist, poliitigast ja moraalist. Päält tuud om tä kirotanu ka luulõtuisi, kon löüdväq avvustust [[muusa]]q, mar´'aviin ni armastus. Solon oll´' edimäne Ateena luulõtaja.
Ateena rahvas tunnust´' Soloni tüüd sõan [[megara]]laisi vasta, kon vallutõdi tagasi [[Salamis]]õ saar (aastagal 594 inne mi aigu) ja vallõvalõ timä [[arkont|arkondi]] korgõhe ammõtihe. Valituisi arkontearkontõ käen oll´' Ateenan poliitilinõ võim.
Solon om tuntu ku tähtsä [[säädüseandja]]. Tä teitekk' AteenaleAteenalõ vahtsõq säädüseq innembidse säädüsandja [[Drakon]]i kõvvu vai drakoonilisi säädüisi asõmalõ. Alalõ jäi Drakoni ao säädüisist õnnõ säädüs mõrdsugatöie kottalõ.
Soloni vahtsõndusõq avitiqavidiq kehvembät rahvast. Soloni ümbrekõrralduisi peetäs [[demokraatia]] algusõs Ateenan ja kogokõgõn Õdagu-Õuruupan.