Lahkominek lehe "Piitre" kujjõ vaihõl

'''Piitre''' om [[Võro kiil|võrokeeline]] mehe edenimi. Algnimi tulõ üle [[Ladina kiil|ladina keele]] kuju Petrus [[Kreeka kiil|kreeka keelest]], kon inemisenimi πέτρος (''Pétros'') tähendäs kivvi, kaljut. Piitre kõgõ hariligumbaq hõikamisvormiq võro keelen ommaq aoluulidsõlt olnuq Peedo, Peeds'o, Piit ([[umasütlejä käänüs|umasütlejä]] Peedi) ja [[Peep]]<ref>Rajandi, Edgar 1966: ''Raamat nimedest.'' Tallinn, Eesti Raamat, märksõna Peter.</ref> (umasütlejä Peebu), minkast ommaq saanuq umaette edenimeq. Võrokõisi pruugit [[Piibli|Vastne testament]] kirot ristiusu apostli nimme edimält (1686) ''Peter'', ildamba ''Peetrus'', kõnnõkeelen om timä kottalõ üteld ka [[Pühä Piitre]]. Ristiusu arvosaamisi perrä om ka surma kutsut võro keelen "Liiva-Piitre" ja kikas ku Pühä Piitre sümbol om talo eläjide hulgan sakõstõ saanu nime Piitre. 1684. aastagal [[Rõugõ kihlkund|Rõugõ kihlkunnan]] oll' Piitre sagõhusõlt tõnõ talo peremehe edenimi (6,4 %)<ref>Saar, Evar 2016: Rõuge ja Vastseliina talupoegade eesnimed XVI ja XVII sajandil. Võro Instituudi toimõndusõq, 11−56.</ref>