Lahkominek lehe "Orajõgi" kujjõ vaihõl

Orajõõ [[läteq]] om [[Mustja]] külän kunagidsõ Johanneshofi talo man, [[Osola]] tiiristist 4 km põh'a puul. Ülembjoosul om jõgi egal puul süvendet ja õgvõndõt. Edimält lätt jõgi 0,5 km lõunahummogu poolõ, Mustja külä keskel käänd põh'ahummogu poolõ ja juusk pia 7 km, kooni [[Roosi]] külä ja [[Lahe|Põlgastõ mõisani]], õigõn sängün läbi kuivõndõt soistõ niite ja põldõ. Jõõ org nakkas vällä kujonõma viil Põlgastõ mõisa man. Põlgastõ mõisast 1,5 km allavuulu [[Kruuta]] külän Ojasaarõ talo kotsil käänd jõgi äkki põh'aõdaguhe, a kilomiitre peräst (Hainastõ talo man) käänd jälq põh'ahummoguhe ja joud 1,5 km peräst Mustajõõ küllä. Sääl lätt timäst üle [[Vana Võro tii]]. Saman suunan juuskõn lätt tä läbi [[Mäni]] ja [[Tilsi (Laheda)|Tilsi]] külä vaihõlt. Inne [[Vedo]]küllä käänd jõgi hummogu poolõ. Peräst Tilsi-Himmakülä tiid juusk Orajõkkõ hää käe puult uja, miä tulõ [[Pikkjärv (Tilsi)|Pikästjärvest]]. Edesi tege jõgi 1,5 km pikutsõ haagi [[Vardja]] külä ja [[Vardja mõisa|mõisa]] ala, pääle midä juusk tä juusk sügävän Põlva-Ahja-Luutsna ürgoron [[Ah'a jõgi|Ah'a jõõni]] vällä. Tä juusk läbi [[Koiolakülä]], [[Meemaskülä]], [[Mõtstõ]] ja [[Kuruski]] külä, käänd sõs hummogu poolõ [[Rosma]] küllä, kon Orajõkkõ juusk [[Peri uja]]. Pääle tuud juusk Orajõgi läbi [[Põlva]] liina ja sääl olõva ülessulut [[Põlva järv]]e. Põlvast allpuul juusk jõgi läbi [[Tilsi (Põlva)|Tilsi]] (Orajõõ) ja [[Himmastõ]] külä nink lätt [[Eostõ]] külä man [[Ah'a jõgi|Ah'a jõkkõ]].

 

 

Orajõgi om suurõ sadamisõga. Jõõ viipinna absoluutnõ korgus lätte man om 100 miitret ja suu man 35,3 m. Tuu tähendäs, et [[korgusvaih]] om 64,7 m ja keskmäne [[jõõ sadaminõ|sadaminõ]] 1,66 m/km. Kõgõ suurõmb om sadaminõ inne Rosmat mõtsa sisen.