Molõkul

Molõkul om eelektrilidselt neutraalnõ vähämbält katõaadomilinõ rühm, midä hoitva kimmä kõrra perrä kuun väega kõvaq (kovalentseq) keemilidseq köüdüsseq. Rangõlt võttõn tetäs vaiht molõkullõ ja mitmõaadomiliidsi ioonõ vaihõl. Orgaanilidsõn keemiän ja biokeemiän tarvitõdas terminit molekul veidemb rangõlt nink pruugitas tedä laet orgaaniliidsi molõkullõ ja biomolõkullõ kotsilõ kah.

Gaasõ kineetilidsen teoorian pruugitas terminit molekul sakõstõ määntside taht gaasiosakõisi kotsilõ, sõltumada näide ehitüsest. Nii võttõn kutsutas ka väärisgaasi ütsikit aadomit molõkulõs, miä tuust et nääq olõ-iq tõisi aadomidõga köüdet.

Molekulin võivaq ollaq üte keemilidse elemendi aadomiq (näütüses hapasnik O&sub2;) vai mitmõ elemendi aadomiq (näütüses vesi H&sub2;O). Aadomidõ parkõ, midä köütväq mittekovalentseq köüdüseq (näütüses vesiniguköüdüseq vai ioonilidsõq köüdüseq), loeta-iq molõkulõs.