Lahkominek lehe "Shakespeare'i William" kujjõ vaihõl

Eemaldatud sisu Lisatud sisu
Valdis (arotus | kirotusõq)
Valdis (arotus | kirotusõq)
Resümee puudub
Rida 23:
Shakespeare'i Williami esä oll' Shakespeare'i John, edokas kindatekij ja oldermann, kiä oll' perit Snitterfieldist. Imä Ardeni Mary oll' rikka maaumanigu tütär. William sündü Stratfordin ja ristiti [[26. mahlakuu päiv|26. mahlakuu pääväl]] [[1564]]. Sünnüpäiv om tiidmäldä, a hariligult loetas tuus [[jüripäiv]]ä [[23. mahlakuu päiv]]ä. Võiollaq tuuperäst, et tä kuuli kah 23. mahlakuu pääväl (1616). William oll' kolmas lats' katsa hulgan nink kõgõ vanõmb elämä jäänüq poig.
 
Kuigi tuu kotsilõ olõ-iq paprit alalõ hoitunuq arvas inämbüs elokäügiuurjit, et William käve Stratfordin Kuninga Vahtsõn Koolin (''King's New School''). Tuu oll' 1553. a. luud prii kuul, Williami kotost mõnisada miitret. Kuninganna [[Elizabeth I]] aigu oll' kehvembit ja parõmbit põhikuulõ (''Grammar school''), a ütine oppõkava oll' üle [[Inglüsmaa]] säädüsega paika pant nink kuul pidi andma põh'aligu koolitusõ [[ladina kiil|ladina keele]] [[grammatiga|grammatikan]] ja antiigin.
 
18-aastagadsõlt võtt' William naasõs 26-aastagadsõ Hathaway Anne. Abielotunnistus anti vällä 27. märtekuu pääväl 1582. Arvada, et [[saajaq]] tetti rutuga, tuu põh'us võisõ ollaq Anne rasõhus. Kuus kuud pääle saajit sündü näil tütär Susanna, kiä ristiti 26. lehekuu pääväl 1583. Katsiguq, poig Hamnet ja tütär Judith, sündüväq pia kats aastakka ildampa ja ristiti 2. radokuu pääväl 1585. Hamnet kuuli 11-aastagadsõlt ja matõti 11. põimukuu pääväl 1596.
 
[[Katõgooria:Inglüsmaa inemiseq]]