Lahkominek lehe "Sann" kujjõ vaihõl

Sann oll ja um ka parhilla iks erälde huunõh talo huunist kavvõmbal, jõõperve pääl vai lumbi veeren. Perüs vanal aol tett sannõq ka maa sisse, nii et ynnõ katus vällä jäi paistma.

Kõik sannaq ummaq vanast savvusannaq. Kütmise aogu tull tuu sau kõik sanna sisse, palgiq oll sisest kõik ärq mustass savvunuq ja nõõga koon.

Sannaahi oll ligi saina, maakivest ja savist tett, savil viil liiva seen. Keresekiviss korati kõik raudkiviq. Kerese alaqpoole panti suurõmba kivi, päälepoolõ panti vähämbä kivi. Sanna es kütetuq kuusõpuuga, tuu pill kibõniq ja või sanna viil palama panda.

Mehe käve inne sannan, inne um sann kuumõmp, naasõ latsiga käve perähn. Kõik pereraass ja tiinja ütenkoon.

Säntse vanemba inemise, kellel määnest kotust es olõ ja mõisahe moonamehess ka taha-õs minnä, nuu elli talu sannan. Kon oll miiss naasõga, kon naastõraass ütsindä. Latsõ käve näil tallõ pite karan.