Borsod-Abaúj-Zempléni maakund
| Borsod-Abaúj-Zempléni maakund |
| Riik: Ungari |
| Suurus: 7247 km² |
| Elänikke: 692 771 (2010) |
| Keskus: Miskolc |
 Kon Borsod-Abaúj-Zempléni maakund Ungarin om |
|---|
Borsod-Abaúj-Zempléni maakund om 1. järgo valitsõmisütsüs Põh'a-Ungarin, vasta Slovakkia piiri.
Maakunna keskus om Miskolci liin. Tõsõq suurõmbaq liinaq ommaq Ózd ja Kazincbarcika.
Borsod-Abaúj-Zempléni maakund om Ungarin tõnõ nii suurusõ poolõst (pääle Bács-Kiskuni maakunda) ku elänike arvo poolõst (pääle Pesti maakunda).
Maakunna nimi toimõndaq
Maakund om uma nime saanuq kolmõ vana Ungari Kuningriigi maakunna (Borsod, Abaúj ja Zemplén) nimest. Noist maakundõst kuulussõq täämpädse päävä Borsod-Abaúj-Zempléni maakunda näide lõunõjaoq. Põh'aosaq jääväq Slovakkia piirehe. Borsod, Abaúj ja Zemplén umakõrda saiq nimeq kantse perrä, miä näiden olliq.
Luudus toimõndaq
Borsod-Abaúj-Zemplén om luudusõ poolõst Ungari üts kõgõ mitmõkülgsemb piirkund. Maakunna põh'aosa om mägine (sääl ommaq Ungari üteq korgõmbaq mäeq ja süvembäq koobaq), a lõunõjago tasanõ. Keskmäne õholämmüs om sääl madalamb ku muial Ungarin. Miskolctapolcan om mõõdõt Ungari külmärekord: −35 °C.
Kultuur toimõndaq
Maakunnan om Mezőkövesdi liin, miä om Ungarin väega kuulsa uma käsitüü poolõst.