Raudsaarõ Hugo

Hugo Raudsaar

Sündünüq14. vahtsõaastakuu pääväl 1923
Listaku külä, Põlva kihlkund
Koolnuq17. märtekuu pääväl 2006
Ammõttähetiidläne


Raudsaarõ Hugo (Hugo Raudsaar, 1923-2006), oll' eesti tähetiidläne ni tähetiidüse tutvastegijä.

Erialanõ tegevüs toimõndaq

Tüüt' Tarto Tähetornin. Aastagil 1959 kooniq 1985 kaiõ asteroidõ ja komiitõ liikmist. Tä om kaenuq 42 komiiti ni 230 asteroidi ja võtt' noist kokko üle 1800 pääväpildi.

Tüüt' Tarto Tähetornin edesi ka peräst vahtsõ obsõrvatooriumi valmissaamist Tõraveren. Timä 1986. aastagul tett pääväpilt Halley komeedist om viimäne tiidüse perrä tett kaehtus Tarto Tähetornin.

Raudsaarõ Hugo om Tarto Tähetorni Astronoomiatsõõri alostaja. Ta om trükün avaldanu 86 tüüd, noidõ sehen 2 raamatut ni 210 aoakir'andusartiklit, om kõnõlnu tähetiidüsest raadion ja televis'oonin.

1963. ehit' Lasva valda uma kodotalo mano Tõudsimäe külätähetorni, kon om pidänü tähetiidüse-, matõmaatiga- ja füüsigaoppuisi. 1969. kooniq 1975. oll' Tähetorni kalendri päätoimõndaja. 1968. kooniq 1976. oll' ENE kokkopandjidõ hulgan. 1951. kooniq 1989 oll' Üleliidolidsõ Astronoomia ja Geodeesiä Ütisüse Eesti Osakunna tekevliigõq.

Raamaduq toimõndaq

  • Vaadelgem planeete (Tallinn 1969)
  • Pilk tähistaevale (Tallinn 1975).

Artikliq toimõndaq

  • Komeedi Neuimin 1 liikmisõ uurminõ aovahemigun 1931-1948. a BITA, k 7, lk 221-232, 1959 (vinne keelen)
  • Komeedid ja asteroidid. Tähetorni kalender 1973. aastaks. (Tallinn 1972)
  • Halley komeedi vaatlused Tartus (Tartu 1987).

Lingiq toimõndaq