Ummamuudu om perimüsmuusiga- ja popansambli, miä tegotsõs Lõuna-Eestin ja mink juurõq ommaq Võro liinan. Ansambli mäng hindätettüisi poplaulõ ja hindä perrä säetüisi rahvalaulõ eesti ja võro keelen. Ummamuudu om edimäne ansambli, miä nakas' tegemä võrokeelist popmuusikat. Näide kõgõ suurõmbas hitis om Rahmani Jani kirotõt laul "Kõnõtraat", miä oll' Eesti edetabõlidõ tipon 1994. a. sügüse. Viil ommaq laembalt tunnõduq luuq "Tunnen ära", "Ka sisaliku tee", "Valgem pool", "A mille", "Vanaema Linda", "Kokkutulek", "Linnud ja sead" ja tõsõq.

Ansambli tekkü 1989. aastaga mahlakuun, ku neli latsi lauluansamblin Võrukaelad Visnapuu Mare käe all helükoolitust saanuq koolipoissi võtiq Võro liinan pilliq kätte ja naksiq kantri- ja folkstiilin muusikat tegemä. Iistvidäjäs ja põhilidsõs laululuujas om Leisi Meelis.

Ansambli Ummamuudu ja seto leelokoori Leelonaase ütitsest projektist om vällä kasunu ansambli Ummaleelo.

Liikmõq toimõndaq

Läbi aastagidõ ommaq ansamblin mängnüq: Aaviksoo Ain, Vendti Timo, Leisi Toomas, Leisi Meelis, Perli Antti, Kalvedi Heino, Lauridsa Are, Kahari Indrek, Salmi Sulev, Liivagu Lauri, Lillepea Andrus, Puusepä Roland, Salmi Jaanus, Luugi Meelis, Danieli Paul, Joametsa Laur, Veskimäe Indrek, Sirila Marko ja Leisi Ludvig.

Liikmõq 1989 toimõndaq

  • Aaviksoo Ain - kontrabass
  • Leisi Meelis - kitra
  • Vendti Timo - viiol
  • Leisi Toomas - mandoliin

Liikmõq 1997 toimõndaq

  • Leisi Toomas - laul, bass
  • Leisi Meelis - laul, akustilinõ kitra, lõõtspill
  • Vendti Timo - laul, viiol, saksofon, toropill
  • Perli Antti - klahvpilliq, mandoliin
  • Salmi Sulev - eelektrikitra
  • Salmi Jaanus - lüükriistaq
  • Luugi Meelis - kontsõrthelü

Liikmõq 2014 toimõndaq

  • Leisi Toomas - laul, bass
  • Leisi Meelis - laul, akustilinõ kitra, lõõtspill
  • Leisi Ludvig - laul, lüükriistaq
  • Perli Antti - klahvpilliq, mandoliin
  • Veskimäe Indrek - viiol

Albomiq toimõndaq

  1. 1993 "Ummamuudu"
  2. 1994 "Jälg"
  3. 1995 "Meie elu"
  4. 1995 "Jõul"
  5. 1996 "Kõne Võrust"
  6. 2004 "Üts Ummamuudu liin"

Välislink toimõndaq