Vinne sõalaiv, mineq persehe

„Vinne sõalaiv, mineq persehe“ (vinne keelen Русский военный корабль, иди нахуй!; ukraina keelen Російський військовий кораблю, іди нахуй) oll' viimäne lausõq, miä om teedäq, midä ütel' Hrõbovi Roman, Ukraina piirikaitsja, Vinne sõalaivalõ Moskva 24. radokuu pääväl 2022, ku Vinnemaa oll' just tävvemahulidsõ sõagaq Ukrainahe lännüq. Lausõq sai kuulsas ja löüd' pruukmist üle ilma.[1] Mõni nätäl' ildampa and' Ukrpošta, Ukraina post' vällä ka sama lõugahusõgaq postmargi.[2] Ku Ukraina sõalaiva põhja lask', tekk' Ukraina post' vahtsõ margi, kon laiva inämb nätäq es olõq[3].

Lõugahus saiõ kuulsas ja tuud pruugitas üle ilma

Edimält arvadiq, et piirikaitsjaq ommaq maaha lüüdüq, a ildampa tull' teedüs, et Vinne merevägi võtt' nääq vangi. Ku Hrõbov urbõkuun vabas saiõ, anti tälle metäl'.[4]

SündmüsToimõndaq

24. radokuu pääväl 2022 hummogu varra ütel' Vinnemaa president Putini Vladimir ette linti võetun videon, et Vinnemaa alostas „sõalist eriopõratsiuuni“, mink tsiht ollõv Ukraine „demilitarisiirmine ni denatsifitsiirmine“, miä ollõv oht Vinnemaa riigile ja rahvalõ[5]. Sama päävä hummogu nakas' pääle Hussisaarõ laheng. Päiv ildampa and' Ukraina piirivalvõq teedäq, et Vinne väeq proovõq saarõ kaitsjit alla andma saiaq ja pilsõq saarõ pääle pommõ. Päält tuu ollõv Ukraina saarõ kaitsjidõga kontakti kaotanuq.[6]

Kibõhõhe saiõ avaligus johtumisõ helü ülesvõtminõ. Om kuuldaq, kuis vindläseq ütliq, et ukrainlasõq alla andnuq, muidu andas lüük. Tuu pääle vastas' Ukraina piirikaitsja Hrõbovi Roman: „Русский военный корабль, иди нахуй!“[7], midä võit võro keelen üteldäq „Vinne sõalaiv, mineq persehe!“.

LätteqToimõndaq

  1. Keeni Andrew: "Mineq persehe!" Putini propagandast ja nädälist aost Ukraina vastapandmisõst. Literary Hub 04.03.2022. Pruugit 22.03.2023. (inglüse keelen)
  2. Vinna sõalaivamiim aiõ Ukraine postiteenistüse serveriq umbõ. Postimees Tehnika 22.04.2022. Pruugit 22.03.2023. (eesti keelen)
  3. Vinne sõalaiva postmark. Mezha 22.04.2022. Pruugit 22.03.2023. (inglüse keelen)
  4. "Vinne sõalaiv, idi na***i" fraasi autor saiõ Vinne väki käest vabas. Delfi 29.03.2022. Pruugit 22.03.2022. (eesti keelen)
  5. Peskovi perrä otsustas Ukrainahe sisseminegi pikkusõ Putin. ERR 24.02.2022. Pruugit 22.03.2023. (eesti keelen)
  6. Sõa edimäne üüpäiv: Vinnemaa läts' Ukrainahe sisse, käüväq suurõq lahengiq. ERR 24.02.2022. Pruugit 22.03.2023. (eesti keelen)
  7. Laugeni Lauri: KULLÕQ | Musta mere saarõ pääl olnu Ukraina piirikaitsjaq inne kuulmist: idi na***i, Vene sõalaiv. Delfi 25.02.2022. Pruugit 22.03.2023. (eesti keelen)

VälälingiqToimõndaq