Angola

Angola

Angola lipp Angola vapp
Riigikiil	portugali kiil
Pääliin	Luanda
Suurus	1 246 700 km²
Rahvaarv	37 290 193 (2023)
Internetitunnus	.ao

Angola, ammõtlidsõlt Angola Vabariik (portugali keelen República de Angola) om Afriga riik. Angola pääliin om Luanda.

Angola naabrimaaq ommaq Namiibia, Kongo Vabariik, Kongo Demokraatlik Vabariik ja Sambia. Sõtu peräst kannatasõq väega Angola majandus ja riigi põhivärk. Timmandiq ja nafta toovaq riigile rahha sisse, a sõski lätt Angolal väega kehväste, 2020. aastaga andmidõ perrä koolõs 7,2% elosast pääst sündünüisi latsi edimädse viie aastagagaq, keskmäne eloigä, midä oodõtas, om 61,2 aastakka.

2023. aastaga arvamisõ perrä elli Angolan 37 290 193 inemist, noist ligi 7 mill'onat eläseq pääliinan Luandan. Päält 70% rahvast kõnõlõs portugali kiilt, miä om riigi ammõtlik kiil. Pia 25% rahvast kõnõlõs ka umbundu kiilt, miä om üts Angola põlitsit kiili. Suurõmb jago rahvast om ristiusko, päält poolõ inemiisist ommaq rooma õigõusko, nii nell'äsjago ommaq protõstandiq.