Feisoa (esiq keelin ka feijoa vai feihoa, ladina keelen Acca sellowiana) om troopilinõ puu ja taa vili. Taa om guajaavi sugulanõ ja mõnikõrd taad kutsutaski ananassguajaavis.

Feisoa rohilidsõq süüdäväq viläq

Naid väikuid, rohiliidsi, päältnätäq avokaado muudu puuviljo või tõõnõkõrd löüdäq ka Eesti poodõst (inämbüisi Feihoa nime all).

Puu toimõndaq

 
Feisoa häitsmeq

Feisoapuu om väiku ja aigopiten kassuv igihal'as puu, miä või kassuq 4,5 miitrit korgõs ja lajas. Puu om ummi umahuisi poolõst rassõ ja kõva.

Kost peri toimõndaq

Feisoa on peri Lõunõ-Ameerikast Brasiilia lõunõjaost, Argentiina põh'ahummogujaost ja Uruguayst.

Kost nimi peri toimõndaq

Feisoa nimi om peri portugali keelest (feijoa, välläütlemine: feižoa) ja om pant Portugali luudustiidläse Da Silva Feijó João perrä. Pall'odõn keelin tundas nimekujjo Feihoa, miä vastas sõna feijoa hispaaniakiilsele välläütlemisele.

Pruukminõ toimõndaq

Hapumakõt aromaatsõt feisoa viljä süvväs värskist pääst vai pruugitas puuviläsalatiin ja küdsämisen nigu ubinat kas püreen vai viilõn. Tetäs ka sahvti, marmõlaati ja kallõrdust. Hariligult lõigatas puuvili poolõs ja süvväs luitsaga vai kooritas ärq ja lõigutas makõsüüke sisse. Esiki tuurõq viläq ommaq häste tugõva ja kavvakestvä hõnguga.