Katus

Katus om ehitüse päälmäne jago. Tuu kaits sao ja päävä iist. Katus om tettü katusõkattõst ja paarõst, mis andvaq edasi lumõ ja tuulõ mõo ni umakaalust tullõva rasõhusõ sainulõ vai toetusõlõ.

Ruukatus 1890. aastist peri rehel

Kapellbrücke katussõga sild Luzernin. Ehitet 14. aastagasaal

Katussidõ tüübiq ja kujoq

Katussit om väega mitmõsugumaidsi: lastukatus, kimmkatus, klaaskatus, eterniitkatus, sindlikatus, pilliruukatus, plekk-katus, kivikatus, mätäskatus, laudkatus jne. Katussil ommaq ka esiqsugumadsõq kujoq, nt viilkatus, lammõkatus, mansardkatus.

Ütelüisi katussidõ kotsilõ

• Katust saa-ai tetäq vihmaga, a ku päiv paist, sõs olõ-õi vaia.