Virve-Elfriide Köster (tütrigunimi Haavik; sündünüq 30. vahtsõaastakuu pääväl 1928 aastaga; inämb tunt ku Järsumäe Virve vai Kihnu Virve) om Eesti lauluimä.

Tä om pia 400 laulu luuja ja timä kõgõ tuntumb laul om "Merepido". Tuu laulu tekk' kuulsas ansambli Kukerpillid, kinkalõ Virve om andnuq kümnit laulõ.

Järsumäe Virve tõnõ plaat tull' vällä 2007. aastaga. 2008. aastaga märtekuun käve Virve kuun uma perreansambli, Manija Poiskõisi ja Kihnu käsitüümeistri Härma Roosiga Veneetsiän.[1]

2008 aastaga joulukuun võtt' Virve ossa TV3 saatõst "Võtaq vai jätäq", kon tä võit' õnnõ üte tsendi.[2]

Duubliplaadi "Mere pido" and' tä vällä 9. radokuu pääväl 2009. aastaga ja juhtõ mõni aig plaadimüügi edetabõlit.

9. piimäkuu pääväl 2009. aastaga tekk' Virve laskõvar'ohüppe.[3]

2009. aastaga oll' ta Eestin kõgõ inämb plaatõ möönüq Eesti naisartist.[4]

KittüseqToimõndaq

  • Pärnomaa Vapimärk, 2008
  • Valgõtähe tegemiisimärk V klass, 2011

TeosõqToimõndaq

  • "Kihnu Virve lauluq", kokkopandja Sirje Roomet, 2006
  • Järsumäe Virve ja Olavi Kõrre, "Süä om nuurusõ värdeq", 2007
  • 2008 aastaga suvõtuuri Pärno kontsõrdil tett kontsõrtülesvõtõq "Mere pido", 2009
  • Järsumäe Virve ja perreansambli "Elo künnel", lauluq jõulu- ja oodusaost, 2011

LätteqToimõndaq

  1. Kihnu Virve muutis Venezias Tšehhi lennuki reisiplaani, Õhtuleht, 15. november 2008
  2. Kihnu Virve tegi «Võta või jätas» tagurpidi mängu, Elu24, 12. detsember 2008
  3. Järsumäe Virve tegi 81aastaselt koos järeltulijatega oma elu esimese langevarjuhüppe: "Terve maa oli laiali ees!", Õhtuleht, 10. juuni 2009
  4. Jaan Tätte "Tulemine" tegi plaaditurul puhta töö, Õhtuleht, 13. veebruar 2010