Lätläseq (läti keelen latvieši) om balti rahvas. Inämbüse lätläisi imäkiil om läti kiil. Lätläisi om umbõs 1,5 mill'onat, naist 1 284 194 eläseq Lätin (2011. aastaga rahvalugõmisõ perrä). Eestin eläs 1764 lätläst (2011. aastaga rahvalugõmisõ perrä). Läti rahvas om kujonuq päämädselt 13.–16. aastagasaal latgallaisist, semgaleist, kuralaisist ja liivlaisist. Lätläisi rahvakultuuril om pall'o ütist eestläisi kultuuriga.