Nublu

Nublu (kodanigunimegaq Markkus Pulk; sündünüq 26. piimäkuu pääväl 1996) om Keiläst peri Eesti räpimiis.

Nublu 2022. aastagal

Laulõ aolugu

Nublu tuntumbaq lauluq ommaq näütüses „Maq kah“ (eesti keelen „Mina ka“), „1-2“, „für Oksana“, „tmt“ ja „Kõgõkogo“ (eesti keelen „Universum“). 2020. aastaga talsikuus oll' timä laulõ ja virpe (videoid) YouTube`in kaet umbõs 48,8 mill'onni kõrda – kõgõ kullõldumb oll' laul „für Oksana“. Tuud oll' kullõld 6,2 mill'onni kõrda.

Koolitus

Markkus Pulk opsõ põhikoolin Talliina Inglüse Kollõtsin ja keskkoolin Talliina Vanaliina Koolituskolleegiumi tiatriklassin. Parhillaq tä opp Tarto Suurõnkoolin aokirändüst ja läbikäümist bakalaureusõ astmõn.

Kittüisi

2021. aastagu Eesti Muusigavõidutähti pidoõdagul oll' Nublu määrät säitsme võidutähe kandidaadis. Tä võit' kuus võidutähte: aastagu album, aastagu muusigavirp (muusigavideo), aastagu alostusalbum, aastagu lavakunstitekij (eesti keelen artist), aastagu miislaulja ja aastagu hip-hop-/räpp-/jorokõrrabluusi-laulja.