Pelé

Edison Arantes do Nascimento vai Pelé (sündünüq 23. rehekuu pääväl 1940 Brasiilian Três Coraçõesin Minas Geraisi osariigin; koolnuq 29. joulukuu pääväl 2022) oll' Brasiilia jalgpallimängjä, kedä peetäs sakõstõ aigõ kõgõ parõmbas jalgpallimängjäs. Tä oll' ainukõnõ kolmõkõrdnõ maailmameistre. Pelé tekk' uma 22 mängjäaastagagaq rekordi ku lei 1363 mängun 1283 värähtit, näide siähn 92 mängu ja 77 värähtit Brasiilia iist.

Pelé lei kõgõ parõmba huuao joosul 104 mänguga 126 värähtit.

Pelél oll' 32 võistkunna meistretiitlit. Kõigi Pelé võitsõ kolm maailmameistrivõistlust Brasiilia maavanõmban 1958, 1962 (lõpõti turniiri algusõn) ja 1970. Tä oll' üts neläst mängjäst, kiä om värähti löönüq inämb ku üten MM-finaalin. Pelést om kirotõt ka mitmit raamatit.