Puhkpilliq

Puhkpilliq (vai aerofoniq) ommaq laemban tähendüsen muusigariistaq, miä tegeväq hellü, kuq hõhk võnkas. "Perispuhkpilliq" ommaq nuuq puhkpilliq, mink helü tekküs pillimehe tävvest pilli sisse puhudu hõhu võnkamisõst.

Puhkpilliq laemban tähendüsen ommaq Hornbosteli-Sachsi pille jagamisõn 4. astõq - "aerofoniq" ('hõhkhelisejäq').

Perispuhkpilliq

Perispuhkpilliq võivaq edimädse matõrjaali perrä ollaq puupuhkpilliq (kah puupilliq) vai vaskpuhkpilliq (kah vaskpilliq).

Puupuhkpilliq vai puupilliq

Puupuhkpilliq ommaq puhkpilliq, mink edimäne matõrjaal om puu:

Flüüt vai vilepill
Plokkflüüt
Oboe
Klarnet
Saksofon
Fagott
Okariin

Vaskpuhkpilliq vai vaskpilliq

Vaskpuhkpilliq ommaq puhkpilliq, mink edimäne matõrjaal om vask:

Trompet vai truba
Kornõt
Tuuba
Tromboon
Mõtsasarv
Helikon

Vabaq aerofoniq

Vabaq aerofoniq ommaq nuuq puhkpilliq, miä olõ ei "perispuhkpilliq", a mink helü tekküs hõhu võnkamisõst:

Härmoonik vai akordion
Härmon vai bajaan
Lõõts vai jõrga
Hõrilaq
Huulõpill vai suupill