Vilepill

Vilepill (kaq valipill, pordsupill) om torojas huuligu ja sõrmulisõga puunõ, metallist, savist vai plastist tett mängoriist.

Paiupill

Tegemine

Kõgõ kuulsamb vilepill om paiupill, midä om päämiselt latsipillis täämbädseniq pääväniq pruugit. Vilepille om tett kaq tõisi puiõ koorõst. Pilli tetäs keväjä mähäaigo sillest, umbõs 15 cm pikkudsõst sõrmõjämmüdsest ossast. Puhkmisotsast 2–3 cm kavvusõlõ lõigatas puulviltu tsälk sisse, ossa kuur kõksitas vallalõ ja käändäs ärq. Välläkäänetüst puust pandas sinnäq otsa huulikuhe puupulgast kiil, tuu päälmine kumõrus om lõigat ärq, niimuudu tekküs peenükene pilo. Pillo puhkmisõst tulõ helü.