Arotus:Eesti keele morfoloogia
Sisu kotsalõ toimõndaq
Üle hulga ao om taha Vikipeediälle saanuq üts pikk ja tõtõstõ põh'alik artikli, eskiq kõik lätteq ommaq olõman, suur aiteh tuuiist! Üts küsümüs siski tekkü. Maq naksi kaema, et kuikiq artikli kõnõlõs eesti keelest, om tan seen ka pall'u seletüisi võru keele kotsalõ. Inämbüisi tuu ei olõkiq halv, kõrvuisi säädmisega tulõvaq lakjaminegiq vällä, a mõnõ kotussõ pääl jäi väega silmä. Et ku om eesti keele morfoloogia, sis tuu pidänüq kõnõlõma ka eesti keele sõnaliigest. Ja eesti keele ede- ja tagasõnus ei olõq iin, kiustõ, ommaq ees ja kiuste. Midä naidõga tetäq? Üts võimalus om n-ö tõlkma naadaq (nt ede-tagasõnaq: ees 'iin', kiuste 'kiustõ'). Viil parõmb olnuq, ku kaq võru keele kotsalõ saanuq sääne uhkõ ja kinä artikli, mõnõn mõttõn om näüdüs vai säläruuds jo olõman. Vai tundus tõisilõ, et põrõld om häste, sis ma ei nakaq tsurkma.