Krümmeri Caspar Heinrich
Krümmeri Caspar Heinrich (4. mahlakuu päiv 1796 Vestfaal – 10. joulukuu päiv 1873 Võro) oll koolijuhataja Võrol.[1]
Haridusõ sai Ebensdorfi vennastekogudusõ seminärin.
1825. aastast koduopõtaja prof Moritz v.Engelhardti, Tartu Ülikooli mineroloogia professori perren.
1828. aastal asut gümnaasiumioppusõga eräkooli ja pansioni Ehmja mõisan Läänemaal. Sääl palli 1830. a. koolimaja är ja kuuli peeti edesi Suurõ-Lähtru mõisan, 6 versta Ehmjast loodõ poolõ. 1832. löüti koolilõ hää kotus Võru liinan, sääl sai Krümmeri asutus kuulsas. Krümmer oll Võrol koolijuhataja 1849. aastani. Timä kuuli 1873 ja matõti Võru surnuaida.
Perekond toimõndaq
Krümmeri naanõ oll Julie von Baggohufwudt (1809–1872). Laulatus 1842. Matõtu mehe kõrvalõ Võru kalmistu, Vana osa, I, F-136.[2]
Perren oll' tütär ja poig. Poig Rudolf Aleksander (1844–1910) elli Peterburgin. Rudolfil oll' kats tütärd ja poig Boris Alexander Emil (1884–1941).[3] Boris oll arhitekt ja kunstnik, tennü mitmit huunit Tallinnan ja Petserin. Tä emigriirse 1918. aastagal Eestimaalõ. Borissi naanõ Olga Krümmer-Oboljaninova (1882–1947+) oll' Eesti kostüümikunstnik[4], lahutivaq 1930. Boriss läts' 1931. aastagal Prantsusmaalõ, kuuli sääl. Olga tõnõ miis oll' ärimiis Aleksandrov Nikolai[5]. Aleksandrov mõistõti 1941 jaanuarin surma, maikuun mõistõti ümbre 10+5 aastakka. Olga küüditädi, elli peräst 1947 Moskvan.
Lätteq toimõndaq
- ↑ https://dea.digar.ee/cgi-bin/dea?a=d&d=vorumaateataja20140517.2.9.3
- ↑ https://www.kalmistud.ee/haudi?action=hauaplats&filter_hauaplats_hauaplats=84XgOeqKVN1n
- ↑ Криммер Борис Рудольфович russianestonia.eu
- ↑ Обольянинова Ольга Владимировна russianestonia.eu
- ↑ Александров Николай Михайлович russianestonia.eu