Ihaste

Ihaste om Tarto liinajago, mis om Tarto liina lõunõhummoguosan, Imäjõõ kura perve man. Ihaste piiren om Ihaste tii, Nõlvaku huulidsa pikendüs, liina piir ni Imäjõgi. Viil lätt Ihaste liinajago kokko Anneliina liinajao ja Luunja vallaga.

Ihaste kotus Tarton

Liinajao suurus om 424 ha ja elänikke om 2013. aasta joulukuu andmidõ perrä kokko 2497.

Ihaste jagonõs lõunapoolitsõs Vana-Ihastes ja põh'ahummogupoolitsõs Vahtse-Ihastes, midä erätäs pedäjämõts. Vana-Ihaste madalaq kandiq võivaq keväjäsel aol vii alaq jäiäq.

Eduard Wiiralti huulidsa man om Wiiralti nimegaq mõts, mink lakõ pääl om juuskmisrada, võrkpalliplats ni tulõplats kuun küdsämise kotussõgaq. Kiigemäel om korvpalliplats. Raeremmelga huulitsal saa Ihaste spordi- ja vabaaokesküsen ratsutaq, golfi ja võrkpalli mängiq ni vipu laskõq.

Aadrõssil Nõlvaku 12 om Tarto Vaimlidsõ Tervüse Huuldekesküs, kon saavaq vanaq inemiseq elläq.

Liinajaon toimõndas Ihaste Selts ni Ihaste Elänike Liit.