Juurõ Mart

Juurõ Mart Mart Juur

Sündünüq	29. süküskuu päiv 1964
Ammõt	nall'atekij, aokiränik, muusigaarvostaja
Latsõq	2

Juurõ Mart (Mart Juur, sündünüq 29. süküskuu pääväl 1964) om eesti nall'atekij, aokiränik ja muusigaarvostaja.

Om aolehe Postimiis (Postimees) aokiränik.

Tege tõõsõpäivilde Raadio 2-n raadiosaadõt "Rahva uma kaidsõq" ("Rahva oma kaitse") üten uma sõbra Kivirähä Andrusõga.

Elokäük

Käve kolm klassi Vahtsõ-Otõpää algkoolin, pääle tuud käve kats aastakka Kanepi keskkoolin ni viiendäst klassist opsõ Otõmpääl^[1] 16-aastagasõlt läts' Tarto Ülikuuli aokirändüse pääle, lõpõt' 1986. aastagal.

1988–1999 oll' tä aokirjä Nelli Teataja päätoimõndaja.

Tekk' üten Oja Peetriga saadõt "Ärapanija", põrõld ommaq nuuq saatõq õnnõ vana-aastagaõdagidõ.

Om olnuq kultuurisaatõ "Kirändüsministeeriüm" saatõjuht.

Egä tõõsõpäävä õdagu tege tä Kivirähä Andrusõga üten raadiosaadõt "Rahva uma kaidsõq" joq 1995. aastagast pääle.

Täl om kats last.

"Jamasuutra", pildiq Ernidsä Heiki, (Helipilt, 1991)
"Eesti aokirändüse kuuduq pärliq Vol. 2" – nal'apildiq Lauksi Rein, Metsa Hillar ja Nemvaltsi Urmas (BNS Kirästüs, 1998), ISBN 9985883071
"Lollipop", (Tänapäev, 1999), ISBN 9985921259
"Arkaadi A.", kujondanuq Kaalebi Tõnu (Tänapäev 2001), ISBN 9985620119
"Huumori kuul", (Tammerraamat 2008), ISBN 9789985988404
"Panõq eesti pääle tagasi", (Jutulind 2008), ISBN 9789985989104
"Naaruklubi", (Tammerraamat 2010), ISBN 9789949449620
"101 Eesti popmuusiga albummi", (Varrak 2010), ISBN 9789985320280
"Hää tujo raamat", (Rahva Raamat 2018), ISBN 9789949729173
"Rahva uma kaidsõq 25", (Tänapäev 2020), ISBN 9789949858187
"Egäütś om imelik" (Rahva Raamat 2020), ISBN 9789949693788