K-pop
K-pop vai Korea populaarnõ muusiga om osa Lõunõ-Korea kultuurist. Tuun om pall'o žanrit: pop, hip hop, R&B, rokk, tsäss ja muu säändene[1]. Termin k-pop sai populaarsõs 2000. aastaigõ alostusõn ja päämidselt õkva rahvusavaihõlidsõlt, nääq esiq pruukvaq sõnna gayo (가요)[2]. Kuigi termin käü mitmõsugumaidsi stiile kotsilõ, pruugitas tuud kõgõ inämb popmuusiga ja näide ummamuudu “iidoli” kultuuri kotsilõ. Viimäne sai alostusõ 1990. aastagil ja sai esiqerälidselt tunnõtus nuuri siän[3]. Tuu om audiovisuaalnõ, päält muusiga om tähtsä kotussõ pääl ka tands ni muud. Parhilla kõgõ tuntumb k-pop’i punt om BTS. Tuugaq köüdet om termin “Korea lainõq”, mink hulgan päält muusiga ommaq ka Lõunõ-Korea sar'aq.
