Luutsinapäiv

Luutsinapäiv (ka luutsõpäiv, luutsnapäiv, luutsi) om 13. joulukuu pääväl. Kerkokallõndrin om tuu Pühä Lucia mälehtüspäiv.

Luutsinapäävä avvos laulminõ Viinin

Eesti rahvakallõndrin peetas tuud päivä kõgõ inämb Eesti rannaroodsi kandin. Luutsinapäävä üüd peetäs aasta kõgõ pikembäs üüs ja Juliuse kallõndri peri nii om kah. Seol pääväl tetäs jouluehteq.

Rannaruutslaisi kandin ja saari pääl peetäs päivä niimuudu, et luudsiq vai kostümeeridüq sandiq traagõldavaq egäl puul ja kaesõq, kas tarõn om kõik puhas ja kõrran. Laisko virgutasõq sandiq vitsogaq. Eestin pidäväq luutsinapäivä ka Gustav Adolfi Gümnaasiumi oppajaq.

Põh’amain alostas luutsinapäiv joulu aigo. Tuul pääväl kasivaq põh’amaalasõq tarri, pandvaq kündleq palama ja kõrraldasõq rongkäüke. Sääl ast näio valgõn kleidin, kiä om Lucia. Tä kand pään kündlist kruuni. Põh’amaalasõq küdsäväq luutsinapääväl eräle saia, Lussekatt, miä küdsetäs safranist.