Miskolc

Miskolc
Maa: Ungari
Suurus: 237 km²
Elänikke: 168 075 (2011)
Kon Miskolc Ungarin om

Miskolc (loeq: miškolts) om liin Põh'ahummogu-Ungarin. Sääl eläs pia 170 000 inemist, tuuga om tä Ungarin suurusõ poolõst neläs liin (pääle Budapesti, Debreceni ja Szegedit). Tä om ka Borsod-Abaúj-Zempléni maakunna keskus. Miskolci tundas ku tähtsät tüüstüsliina.

Miskolc om Bükki mäkist hummogu puul, Sajó jõõ nink Hejő ja Szinva ujjõ oron. Liin om ehitet kallaku pääle: kõgõ madalamba ja kõgõ korgõmba kotussõ vaih om umbõs 800 miitret.

Miskolci Ülikuul om Põh'a-Ungari kõgõ suurõmb ülikuul.

Midä kaiaq tasos

Keskliin

• Päätännäv ja raatusõ plats, kon huunõq ommaq päämädselt 19. aastagasaast
• Gooti stiilin protestandi kerik Avasi mäe pääl
• Kreeka õigõuso kerik, kon om Kesk-Õuruupa kõgõ suurõmb ikonostaas (pühäsesain)
• Kunstõ maja, kon om kats kinno
• Kósi maja (Kósi Károly projekteerit Art Nouveau ja rahvalikun stiilin, 1931)
• Mindszenti Kerik
• Frantsiskaani kerik ja kangõlaisi plats
• Teletorn
• Miskolci Riigitiatri
• Csodamalomi Pupitiatri
• Hermani Ottó Herman muusõum
• Muusigapalee
• Puukerik

Diósgyőr

• Diósgyőri kants (ehitet 13. aastagasaal)
• Diósgyőri lutõri kerik
• Diósgyőri protõstandi kerik (barokkstiilin, ehitet keskaigsõ kluustrõ varõmidõ pääle)

Lillafüred

• Anna kuup, Istváni kuup, Szeleta kuup
• Paleehotell
• Hámori järv
• Viisadang (Ungari kõgõ korgõmb viisadang)
• Om olõman kitsarüüpmeline raudtii Lillafüredi ja Miskolci vaihõl, midä ungari keelen kutsutas Lillafüredi Állami Erdei Vasút (Lillafüredi Riiklik Mõtsaraudtii). Tuu keerotas ilosidõ mõtso vaihõl ja rongisõit sääl võtt aigo 30-45 minotit. Miskolci piätüs om stop Diósgyőrin.

Miskolctapolca

• Miskolctapolca koobabassein (ainugõnõ sääne Õuruupan)

Liina lähkon

• Bánkúti suusakuurort
• Bükki mäeq
• Miskolci eläjätahr
• Szentléleki kluustrõ varõmõq

Festivaliq

• Etendüseq Diósgyőri kandsin (every lehe- ja põimukuun)
• Riikevaihõlinõ sõamiihi ja sõaväeansamblidõ festival (katõ aastaga takast põimukuun)
• Miskolc Oopõrifestival (egal suvõl)
• CineFest - nuuri filmitegejide riikevaihõlinõ festival (ega aasta süküskuun)