Päälekäänüs
Päälekäänüs vai manoqütlejä vai allatiiv om käänüs, mink päämäne mõtõq om näüdädäq liikmist kohegi pääle: toolilõ, silmäle.
Päälekäänüs võro keelen toimõndaq
Päälekäänüsse lõpp om võro keelen -le / -lõ, miä pandas mano umakäänüssele: kuldsõlõ, saapalõ, keelele.
| Nimekäänüs | Umakäänüs | Päälekäänüs |
|---|---|---|
| Kuldnõ | Kuldsõ | Kuldsõlõ |
| Saabas | Saapa | Saapalõ |
| Kiil | Keele | Keelele |
Sakõstõ pruugitas päälekäänüsse asõmal hoobis peräsõnna pääle, kätte vai mano: lavva pääle, imä kätte, kao mano.
Lätteq toimõndaq
Iva, Sulev 2007. Võro kirjakeele sõnamuutmissüsteem. Dissertationes Philologiae Estonicae Universitatis Tartuensis, 20. Tartu: Tartu Ülikooli Kirjastus.