Paju laheng
Paju laheng toimu Eesti Vabahussõa aigu 31. vahtsõaastakuu pääväl 1919 Eesti Rahvaväe ja Verevä väe vaihõl, minka Eesti väeq saiq hinele Valga liina ja raudtiisõlmõ. Eesti poolõ pääl olliq lahengun Kuperjanovi partisaniq ja Põh'a Poigi I pataljon ni suurõtükürühm, Verevä väe poolõ pääl Läti vereväq kütüq.
Lahengun saiõ rassõstõ haavadaq Eesti väki pääleminekit uh'anuq Kuperjanovi Julius, kiä kolm päivä ildampa Tarton haavo kätte kuuli.
Eesti kaot' lahengun 140 miist, noist 34 kuuli lahengun ja 104 sai haavadaq, kinkast 12 ildampa haavo kätte kuuli; kats jäiq kadonus[1]. Verevide poolõ pääl kuuli nii 30 sõamiist ja vähämbält 40 saiq haavadaq.
Lätteq
toimõndaq- ↑ Eesti Vabadussõja Ajalugu I. Varrak, lk 347