Pragi kuul

Pragi kuul oll' algkuul Põlva kihlkunnan Aleksandri vallan (Vardja/Pragi mõisan) Koiolakülän. Koolin naati oppama 1812. a. ja sääl opati 1972. aastagani. Koolimaja Orajõõ veeren om alalõ ja sääl eletäs.

Aolugu

Kuul luudi 1812. a. Pragi mõisa ala käüvän Koiolakülän.

1925. aastagal oll' kuul 2-klassilinõ, sääl oppõ 64 last ja opas' 1 oppaja.

1934. aastagast oll' kuul 5-klassilinõ, 1939. aastagast 6-klassilinõ.

1944. a. oll' opilaisi 69 (noist tütärlatsi 38). Sõs oll' kuul 6-klassilinõ mittetävvelik keskkuul. 1945 oll' opilaisi joba 86 (noist 50 tütärlast) ja kuul oll' 7-klassilinõ, sääl oll' kolm klassikomplekti ja kolm oppajat. Mõnõq aastaq püssü koolilatsi arv 80 ümbre ja oppajit tull' üts mano. 1948.-1949. opiaastagast muudõti kuul 4-klassilidsõs algkoolis, kon oll' 2 klassikomplekti ja 2 oppajat. Opilaisi oll' sõs 43 (20 tütärlast). Säält edesi naas' opilaisi arv kahanõma. 1955 oll' kuul 4-klassilinõ ja 1 klassikomplektiga (16 last ja 1 oppaja). Kuul panti kinniq 1972. a.

Kaeq viil

• Võromaa kooliq
• Pragi mõisa

Kirändüs

• Esko Enn, Põlvamaa aladelt kadunud koolid 1700-2010 ehk raamat Põlvamaa aladel kunagi olnud koolidest, Põlva, 2010.