Rotikuningas kutsutas rottõ pundard, kon rottõ hannaq ommaq ütstõsõ külge kinniq jäänüq, deformiirünüq ja rotiq päse-ei säält inämb vallalõ.

Võromaalt Saru küläst lövvet rotikuning Tarto Luudusmuusõumin.

TegünemineToimõndaq

Säänest asja juhtus külmembäl aol kodorottõga, kedä lövvüs viil õnnõ Lõuna- ja Lõunahummogu-Eestin,[1] ku rotiq tulõvaq ütstõsõ mano kokko ja ku näide hannaq saavaq sõs kokko söögi, vere vm kliipvä ainõga vai viiga. Üten rotikuningan või kokko ollaq 3–32 rotti.[2] Eestist om lövvet neli teedäqolõvat rotikuningat, maailmast 60. Üttegi rändrotõst moodustunut rotikuningat olõ-õi lövvet.[2][3]

Rotikuningit EestinToimõndaq

Viimäne rotikuning lövveti Kanepi valla Palotaja külä Sõõriklaanõ talo kanalast 19. rehekuu pääväl 2021. Puntran oll' kokko 13 nuurt kodorotti. Näide hannapuntra külge oll' kliipünüq põhku, mulda, sitta ja paar tsirgusulgõ. Rotikuninga man oll' osa rottõ viil elon ja näid sai filmiq. Rotikuning viidi Eesti Luudusmuusõummi Tarton.[3]

16. jaanuaril 2005 löüti rotikuning Mõnistõ valla Saru külä Alaveski eläjäpargi faasanimaja põrmandu alt. Puntran oll' 16 täüskasunut nii imäst ku ka esäst kodorotti. Luudusmuusõummi jõudsõ näist 13 rotti. Parhilla om Saru rotikuning ka kaemisõs vällä pant.[2][4]

UskmisõqToimõndaq

Vanast pelläti rotikuninga nägemist väega: usuti, et tuu om märk kadsu vai mõnõ muu rassõ tõvõ tulõmisõst.[4]

LätteqToimõndaq

  1. Eesti imetajate levikuatlas, Eesti imetajate levikuatlas - Kodurott
  2. 2,0 2,1 2,2 Miljutin, Andrei 2005. Rotikuningad Eestis ja mujal. – Eesti Loodus 7/2005
  3. 3,0 3,1 Hanson, Raimu 2021. Teadlasele avanes võimalus uurida äsja leitud ülimalt haruldast elus rotikuningat. – Tartu Postimees, 22. oktoober 2021
  4. 4,0 4,1 Saarõ Evar 2005. Rotirahva õnnõtus: 16 sorka jäi handapiten kokku. – Uma Leht Paastukuu 15. päiv 2005.