Lahkominek lehe "Setoq" kujjõ vaihõl
Eemaldatud sisu Lisatud sisu
tsResümee puudub |
|||
Rida 5:
Täämbädsel pääväl eläs suur osa setosit [[Tarto|Tarton]] ja [[Talliin|Talliinan]]. Perän [[1991]]. aastakka jäi osa setosit [[Vinnemaa]] poolõ pääle Pihkva oblasti [[Petseri]] rajuuni.
Setoq ommaq õigõuskliguq, a näil om alalõ ka vanno [[maausk|maauso]] uskmiisi. Nä kõnõlõsõq [[Võro kiil|võro keelele]] lähküt [[Seto kiil|seto kiilt]] (üts [[Lõunõeesti kiil|lõunõeesti keelist]]).
[[2010]]. aastagal tunnist' [[Vinnemaa]] valitsus setosit ku väikut põlisrahvast. Eestin peetäs setosit ammõtligult eestläisis ja nii eestläisi ku setodõ hindä hulgan om mitund muudu arvamiisi: mõnõq pidäväq setosit umaette rahvas, mõnõq ütes osas eestläisist. Pall'oq setoq pidäväq hinnäst samal aol nii setos ku eestläses. Soomõ-ugri hõimuliikmisõn peetäs setosit viimätsil aastakümnil umaette rahvas, näil ommaq Soomõ-ugri maailmakongressil umaq saadiguq uma seto lipu all. Setodõ hindämäärämise võimalusõs om parhilla [[Seto Kuningriik]], miä ei vastandaq hinnäst Eesti Vabariigilõ, a mil om olõman uma kroonikogo ja pää - [[sootska]] (seto jumala ja kuninga Peko asõmik maa pääl) -, kiä valitas egä aastaga põimukuu algusõsõn peetäväl suurõl festvalilaadsõl ettevõtmisõl Seto Kuningriigi pääväl.
| |||