Lahkominek lehe "Pulga Jaan" kujjõ vaihõl

Kirotanuq om Pulga Jaan veidü, a õnnõ [[Võro kiil|võro keelen]]. Laulutekste, midä om tett "poiskõsõst pääleq", om avaldõt "Võro-Seto tähtraamatiden" [[Võro-Seto tähtraamat vai kallendri 1997. aastaga pääle|1997]] ja [[Võro-Seto tähtraamat vai kallendri 19971998. aastaga pääle|1998]]. Tähtraamatin nigu ka [[Võrokiilne lugõmik|võrokiilsen lugõmikun]] om ilmunu viil maal elolõ jäämise oppuisi, vai "eläjäsuguelo juttõ". Kunst'kirändüsligõmbist jutõst om "Üts päiv ja üü Aruküla Antsu elust" ilmunu [[Võro-Seto tähtraamat vai kallendri 1992. aastaga pääle|1992. a. tähtraamadun]] nink neli tükkü helükaseti "[[Pini hind]]" pääl.

Pulga Jaan om loonuq pall'o rahvalikkõ (nt. "Egamehe reilendri", "Ei olõq hullu") ja bluusilikkõ (nt. "Murõt ei olõ") laulõ, miä ommaq joudnuq nii timõ hindä ku ka tõisi artistõ (nt. [[Nipernaadi]], [[Ummamuudu]], [[Lõkõriq]], [[Sannaliseq]]) [[albom]]mõ pääle. Noid laulõ om tä kitra saatõl nii ütsindä ku [[Viie pääle]] seltskunnaga laulnuq pall'odõl võro üritüisil ja kontsõrdõl. Uma muusigutegevüse peräst om Pulga Jaani vahel kutsut [[Võromaa]] [[Võssotski Vladimir|Võssotskis]].