Vana-Nursi tangipolk
Vana-Nursi tangipolgu algusõs või pitäq 24. piimäkuu päivä 1945. Ammõtlik nimi oll' tuul 4. Minski Tangipolk (s/o 35670). Polk käve 2. kaardiväe Tatšinskaja tangidiviisi alaq (s/o 43055), mink staap panti suvõl Võrolõ Taara kasarmilõ. Diviis säeti suvõl kokko sõaaigsõst 2. kaardiväe tangikorpusõst (2-й гвардейский танковый Тацинский Краснознамённый ордена Суворова корпус). Diviisin oll' viil 7 polku – Tarton, Elvän ja mujjal. Diviis käve Leningradi sõaväe ringkonna alaq.
Urbõkuun 1948 kooniq urbõkuuniq 1949 oll' diviisikomandöris kindral-major Ivan Jakubovski[1]. Tuust sai peräst marssal ja NSVL kaitsõministri asõtäütjä.
Eestiaigsõ linnuvälä põhjaviirde ehitedi polgu ohvitsiire jaos 20 majja. Sääl oll' puut, kon paigapäälseq inemiseq saivaq kaq ostaq. Rahvas kutsõ noid majju - "Moskva".
Tangi harjutiva sõitmist Nursi-Liivakupalu-Rasva-Kasaritsa-Käätsu-Nursi tii pääl. Tuud tiid naati kutsma Tangitiis.
1956. aasta vahtsõaastakuun arvati Eesti Balti sõaväeringkonda ja 2. tangidiviis viidi Leningradi oblastilõ.
Lätteq
toimõndaqhttps://www.moypolk.ru/soldier/maksimov-ivan-afinogenovich