Visseli Viktor (Wiktor Wissel, sündünüq 25. märtekuu pääväl 1906 Rõugõ kihlkunnan; koolnuq 30. süküskuu pääväl 1935) oll' raamadupidäjä, aolehti kiräsaatja, seldsitegeläne.

Elokäük toimõndaq

Esä Juhan oll' noorõn iän olnuq Rõugõ mõisa kutsar, peräst naasõvõtmist pidäsi Rõugõ kihlkunnan mitmit rendikotussit. 1932 ostõti talo Haani valda Tallima küllä. Imä Leena (Juul) oll' peri Rõugõ valla Pudrumäelt. Viktoril oll' viis sõsard ja kats' velle. [1]

Viktori tervüs es olõq hää, kergembä elo pääle saamisõ jaos timmä koolitõdi, lõpõt' 1927. aastagal Võru poisslatsi gümnaasiumi humanitaarklassi. Opsõ Tarto ülikoolin juurat (matrikli nr 8890)

Visseli Viktoril oll' Võro Tüüstüskooli raamadupidäjä-asjaajaja ammõt. Tä oll' Kaitsõliidon ja Isamaaliidon, sakõ Waba Maa ja Elu kiräsaatja. Rõugõ kogodusõ revisjoni komisjonin ollõn sai timäst päämine vaidlõja opõtaja Viksi Valtõriga ja üts Rõuge Teataja asutajit.

Visseli Viktor läts 1935. aatsagal paari Jakobsoni Amandaga ja kuuli tuusama aastaga 30. süküskuu pääväl[2].

Visseli Vikrori mälestüses anti vällä Rõugõ Teataja eränummõr, miä jäi tollõ lehe jaos ka viimätses.

Lätteq toimõndaq

  1. https://www.geni.com/people/Viktor-Vissel/6000000010882930437
  2. https://dea.digar.ee/page/eluvoruvalgapetseri/1935/10/04/3