Zapi Valtri
Zapi Valtri (Walter Zapp, läti muudu Valters Caps; sündünüq 4. süküskuu pääväl (vkp 22. põimukuu päiv) 1905 Riian, koolnuq 17. hainakuu pääväl 2003 Binningen, Šveitsin) oll' baltis'aksa peritollo vällämõtlõja, fotokunsti tiirajajit, väiku fotoaparaadi Minox vällämõtlõja ja kokkosäädjä.
Zappi, kiä es lõpõtaq üttegiq kuuli, pidäväq a'satundjaq ütes pilditegemise suurist tiirajajist, üten Leitzi Ernsti, Zeissi Carli, Barnacki Oskari ja Kellneri Karliga.
Tsitaat toimõndaq
| „Ütsindä IDEE ei avidaq, taa teos saamisõs piät olõma terveq park nõudmiisi ümbrekunnalõ ja üteaolisiile. Säändse õnnõligu olokõrra iist olõ maq just Eestile teno võlgo.“ | Walter Zapp | ||