Amisiq

Amisiq (inglüse keelen Amish) om päämädselt Ameeriga Ütisriigen elläv traditsioonilist elostiili pitäv etniline rühm ja kristlik usolahk. Amisiq ommaq tunnõduq tuu poolõst, et inämbüisi ei pruugiq nä säänest muudsat teknoloogiat nigu eelektri, telefon ja autoq. Pall'oq näide kombõqommaq peri 17. aastagasaa lõpust.

Amissidõ traditsioonilinõ sõiduriist, hobõsõvankri. Autit näil inämbüisi olõ-õiq.

Periolõminõ ja usk

Tegemist om karmi protõstantligu usolahoga. Amisiq ommaq süvembähe peri S'aksamaalt ja Sveidsist.

Elostiil

Amisi tütriguq Lancasteri maakunnan, Pennsylvania osariigin. Amisiq ei piäq hääs inemiisi näkõ pildistämist

Amisiq püüdväq eitäq täämbädse päävä ütiskunda ja eläseq nii nigu eleti mitu aastagasata tagasi.

Amissidõ eloviit sääd Ordnung, kirotõduidõ ja kirotamaldaq riiglide kogo.

Amisiq olõ-õi siski askeetliguq. Nä eläseq aktiivsõt seltskundlist ello ja pidäväq pitõ, laulvaq pall'o ja sööväq häste. Mõnõn kogokunnan om lubat ka alkohol ja tubak.

Kiil

Amissidõ kõnnõkiil om Pennsylvania s'aksa kiil (Pennsylvania Deitsch), miä om kujonuq Pfalzi s'aksa keelest. Äri ajamisõs kõnõlõsõq nä mitteamissidõga inglüse kiilt.

Välälingiq

• Artikli Eesti Ekspressin (eesti keelen)
• Amissidõ aoluust, usost ja elo pääle kaemiisist (inglüse keelen)