Arotus:Kiir (matõmaatiga)

Ku taa no sünnüs iks matõmaatigaterminis... Valdis?--Võrok 11. radokuu 2012, kell 23:06 (UTC)

Ei usuq häste. Maq taad võrokeelist "kirge" esiq ei tunnõq. Suurõ murdõsõnastiku perrä tähendäs "kirg" võro keelen tulõsädet. Tuud, et tä määnestki juunt tähendäsiq, ei loeq ma koskilt vällä. Nii et matõmaatikan olõssi tä innembide punkt ku kiir. --Valdis 14. radokuu 2012, kell 09:39 (UTC)

VESih ja EVSih um innegi sõnolõ vahtsit tähendüisi ant. Kas mõni EVS-i vastus eesti kiirele (kirk, kirg, jutt', juun') võisiq sündüdäq ka terminis? Vai piäsiq tuus eesti lainsõnna 'kiir' pruukma?--Võrok 16. radokuu 2012, kell 15:19 (UTC)

Vahtsit tähendüisi või jo andaq, a ku tuu vahtsõnõ tähendüs om vastaoloh olõmaholõvaga, sõs ma jätnüq tuu tegemädäq. Ku "kirg" tähendäs sädet, miä näge vällä ku punkt, sõs matõmaatikah saa-iq tä kuigimuudu üteh suunah lõpmada juun ollaq. Niisamatõ saa-iq "kiir" ollaq "jutt" vai "juun", tuuperäst, et nuuq sõnaq ommaq a) pall'o ületseq (om nt. ka tsõõrjuun), b) ku kontekst om selge, sõs võivaq nääq tähendädäq õkvajuunt, miä lätt lõpmatustõ mõlõmbah suunah (nt. inglüse keeleh üteldäs sakõstõ "straight line" asõmõl "line"). Kõgõ parõmp olõssi matõmaatikah pruuki samma sõnna, midä pruugitas päävä kiiri kotsilõ. Paraku ma ei tiiäq, kas võro keeleh säänest sõnna ültse olõmah om. Nii et mullõ tundus, et vast piät võro kiilde kah "kiire" lainama. Suurõ murdõsõnastiku perrä ommaq võrokõsõq vähämpält röntgenikiiri kotsilõ "kiire" sõnna joba tarvitanuq. Hää asi kõgõ taa halva man om tuu, et õnnõs olõ-iq "kiir" kuigi tähtsä matõmaatilinõ termin. Inglüse vikipeediän olõ-iq tälle eski erälde artiklit pühendet. --Valdis 17. radokuu 2012, kell 09:20 (UTC)