Irene (Bütsandsi keisrinna)
| Sarantapechaina Irene
Εἰρήνη Σαρανταπήχαινα | |
|---|---|
 Solidus Ateena Irenest | |
| Sündünüq | umbõs 750–755 Ateena, Bütsants |
| Koolnuq | 9. põimukuu 803 (47–53) Lesbos, Bütsants |
| Rahvus | kriikläne |
| Ammõt | Bütsandsi keisrinna |
| Aig | 19. põimukuu 797 – 31. rehekuu 802 |
| Iinkäüjä | Konstantinos VI |
| Peräntulõja | Nikephoros I |
| Usk | Kalhõdoni ristiusk |
| Abikaasa | Leo IV |
| Latsõq | Konstantinos VI |
Irene vai Ateena Irene (kreeka keelen: Εἰρήνη (Eirénē); umbõs 752 – 9. põimukuu 803), perrenimi Sarantapechaina (Σαρανταπήχαινα), olľ Bütsandsi keis Leo IV abikaas (775–780), asõvalitsõja (780–790), Bütsandsi üttevalitsõja koon uma pojagaq (792–797) ja Bütsandsi ainuvalitsõja 797–802. Olkuq, et timä abikaas olľ ikonoklast (tuu tähendäs pühäpiltõ vastalinõ), sõs lubas tä jälkiq pühapiltõ avvustaq, seo lõpõtas edimädse ikonoklasmi ao (730–787).
Nuurus
toimõndaqEdimäst kõrda nimmatas Irenet 1. märtekuu pääväl 768, ku tä tuudi Konstantinoopolihe kesiri Konstantinos V käskü perrä, et minnä mehele Leo IV, keisri pujalõ. Irene olľ sõs umõs 15-aastakka vanna ja Leo 18-aastakka. Olõ-iq teedäq, minkperäst keisri valõ vaesõlatsõst Irene, kiä olľ peri hääst a tähelepanldmaldaq perrest. Taa segähüs om loonuq legendi, et Irene valiti Leo abikaasas ilodusvõistlusõl. Olõ-iq teedäq, kas Irene olľ tõtõstõ inneolõmaldaq illos, a kimmähe olľ tä väega võimuahnõq.[1] Leo ja Irene lätsiq paari 17. joulukuu pääväl 769. Kuna Leo olľ esä üttevalitsõja, sõs sai ka Irenest keisrinna. Perähn timä meheesä kuulmist sai tä joba tävveõigusõlidsõs keisrinnas.[2]