Kalda Kristina

Kalda Kristina (Kristina Kallas, sündünüq 29. vahtsõaastakuu pääväl 1976 Kiviõlin) om Eesti poliitik, 17. mahlakuu pääväst 2023 om tä haridusministri Kalda Kaja kolmandan valitsusõn. Tä oll' aastil 2018–2022 eräkunna Eesti 200 esimiis.

Tä om üts Eesti 200 asotajit ja juhtfiguuri ja oll' aastil 2018–2022 tuu eräkunna edimäne esimiis. Kandidiir' 2019. aastaga Riigikogo valimiisil valimisringkunnan nr 2, kor'as' 2306 hellü ja es saaq valitus. 2021. aastaga sügüse valiti tä Tarto liinavolikogo liikmõs, liikmõsolõminõ lõppi 17. mahlakuu pääväl 2023 Vabariigi Valitsusõ liikmõs kinnütämisega.

Tä kandidiir' 2023. aastaga valimiisil Riigikokko, kor'as' valimisringkunnan nr 10 (Tarto liin) 4288 hellü ja sai valitus. Timä Riigikogo liikmõs olõminõ lõppi 17. mahlakuu pääväl 2023 tuuga, ku tä sai haridusministris.