Karmoska

Karmoska om vinne lõõtspill. Tõisildõ ku tõisil Euruupa diatooniliidsil lõõtspillel olõnõ-õi karmoskal nuut' lõõdsa liikmisõst. Vinne lõõtso umaperä om viil tuu, et noidõga saa mängiq ka minuursõn helülaadin.

Karmoskamängjä karmoskaga

Et karmoska om lihtsä pill, om tä küländ levinüq. Esiqerälidselt populaarnõ om tä Setomaal. Timäga saa mängiq nii viisi ku saadõt ku mõlõmbit kõrraga ni om väegä hää ka ütsi mängmises.

Hariligult om karmoskal hüvvä kätt kats nupirita, minka saa mängiq diatoonilidsõ skaala pääl vai katõ helüstigu nuutõ. Näütüses G-duuri karmoskaga saa mängiq G-duurin ja E-mollin. Kõrrast noodiq lääväq vaeldamiisi ütelt rialt ja tõsõlt rialt. Kolm ülemäst nuppi ommavaq lisanoodiq.

Kurakätt om ka hariligult kats rita bassinuppõ, ütel rial masuurhelüstigu ja tõsõl minuurhelüstigu nupiq. Nupiq ommavaq katõkaupa paarin, tuu tähendäs et alomanõ om bassinupp ja ülemäne akordinupp.

2020. aastagal tull' vällä Leima Matisõ “Karmoškaaabits”, minka käü üten ka Karmoskaaabidsa pillikursus Youtube’in.

Kuulsaq bändiq kon karmoškat mängitäs, ommaq näütüses Zetod, Kiiora, Klapp, Lõõtsavägilased, Untsakad.