Vinnemaa

Vinnemaa (Российская Федерация)

Vinnemaa lipp Vinnemaa vapp
Riigikiil	vinne kiil ja vabariigen paigapäälidseq keeleq
Pääliin	Moskva
Suurus	17 098 246 km²
Rahvaarv	142 914 136 (2011)
Internetitunnus	.ru

Vinnemaa (Vinne Föderatsiuun) om maa ja riik Õuruupan ja Aasian ni om ilma kõgõ suurõmb riik. Vinnemaal eläs päält 142 mill'ona inemise (2011). Vinnemaa om põhisäädüse perrä föderatiivne presidentaalnõ vabariik. Parhilla om president Putini Vladimir, kiä om olnuq ammõtin aastagil 2000–2008 ja vahtsõst 2012. aastagast pääle.

Et suurõmb jago kotussist om merest kavvõndõn, sis om sääl mandriline kliima. Sääl om kats aastaaigu, suvi ja talv, selle et süküs ja kevväi ommaq väega lühküq. Talvõq ommaq väega külmäq ja suvõq ommaq lämmäq. Vinnemaal on 11 aovüündit.

Vinnemaal om 185 rahvarühmä ja noidõn kõnõldas kokko päält saa keele. Vinne kiil kuulus indoõuruupa kiili perre ja om üts kõgõ inämb pruugituid hummogu-slaavi kiili.

Suur jago vinne inemiisist ommaq õigõuskliguq. Suurusõ poolõst tõnõ usuvool Vinnemaal om islam.