Tiiq vallalõ päävalik
JulesStanding2.JPG
Oczy kota domowego -Aw58-.JPG

Kass (Felis catus) om kodoelläi. Tä või ollaq väega karvanõ, a tä või ollaq ka ilma karvulda.

Kassi tiinüs kest keskmädselt 62 päivä.

Võromaal võidas kassi kotsilõ üteldäq viil tiide, tiids'u, tsiids'o vai tsiidsi.

Sisukõrd

Kassõ nimeqToimõndaq

Vanast panti Võromaal kassõlõ sääntsit nimmi: Ants, Ints, Miisu, Kati, Kiti. Vahtsõmbist kassi- ja pininimist või lukõq Võro-Seto tähtraamatust 2008. aastaga pääle.

Kassiq ilokirändüsenToimõndaq

Üts kuulsampi kassist kirotõt jutuisi om prantsusõ kiränigu Perrault' Charlesi kirotõt jutus "Saapidõga tiide".

Mõistatuisi kassi kotsilõToimõndaq

  • Nupp iih, nuul takah, hiirekeldri keskpaigah? (Kass. Põlva kihlkund, 1966.)
  • Nutt iin, nui takah, hiirekeller keskeh? (Kass. Rõugõ kihlkund, 1889.)
  • Nudi iin, saivas takan, hiirekeller keskpaigan? (Kass. Urvastõ kihlkund, 1890.)
  • Tomp iin, toru takan, hiirekarp keskel? (Kass. Kanepi kihlkund, 1896.)
  • Kerä iih, ora takah, hiirekeldre keskpaigah? (Kass. Räpinä kihlkund, 1875.)
  • Üteh otsah ora, tõõsõh kerä, keskpaigah hiirekeldri? (Kass. Setomaa, 1929.)[1]

LätteqToimõndaq

  1. Krikmanni Arvo, "Tere teele, tere meele, tere egalõ talolõ". Eesti Kirändüsmuusõum, Tarto 2000, lk. 101.