Sarvõ Vaike
Sarvõ Vaike (sündünüq 6. vahtsõaastakuu pääväl 1946, koolnuq 27. mahlakuu pääväl 2004) oll' muusigatiidläne ja seto rahvalaulõ uurja.
Sarvõ Vaike uur' pall'o seto ikukultuuri. Tä kõrrald' seto lauluparkõ etteastmiisi kodo- ja vällämaal ja tekk' mitu dokumantaalfilmi seto perimüsest, säälhulgahn "Setu lauluema Veera Pähnapuu", "Lihavõtted Lepal", Paabaprasnik Polovinas".
Sarvõ Vaike lõpõt' 1976. aastaga Tallinna Riikligun Konservatooriumin muusigatiidüse pääl, timä juhendajaq olliq Tampere Herbert ja Rüütli Ingrid. Sarvõ Vaike oll' viil ENSV Tiidüisi Akadeemiä aspirantuurin ja aastil 1995–2000 Tampere ülikoolin etnomusikoloogia instituudin, kon timä juhendaja oll' Leisiö Timo. 1998. aastaga kaits' Sarvõ Vaike Tarto Ülikooli filosoofiatiidüskunnan magistritüü eesti ja võrdõlõja rahvaluulõ pääl, tüü oll' "Uurimusi setu lauludest ja laulikutest: entomusikoloogiline aspekt", 2000. aastaga kaits' Tampere Ülikooli humanitaartiidüskunnan doktoritüü etnomusikoloogia pääl seto ikukultuurist.
Sarvõ Vaike tüüt' aastil 1978–2004 Eesti Keele Instituudi rahvamuusiga osakunnan, minkast saiõ ildampa etnomusikoloogia osakund Eesti Kirändusmuuseõmin. 1982. aastagast kooniq elo lõpuniq oll' tä oppaja Eesti Muusigaakadeemiän (2001. aastagast dotsent), kon juhat' üliopilaisi välätöid Setomaal vei neid Tartohe Eesti Rahvaluulõ Arhiivi nuuri tiidläisi konvõrendsele ja and' rahvamuusiga kursuisi.
Avvohinnaq
toimõndaq- Eesti Vabariigi kultuuripreemiä (1994)
- Avatud Eesti Fondi preemiä (1995)
- Aokirä Teater. Muusika. Kino aastapreemiä (1997)
- Kultuurilehe Sirp aastapreemiä (1998)
- Anne Vabarna aastapreemiä (1999)
- Eesti Kultuurkaptali rahvakultuuri ja helikunsti sihtkapitali aastapreemiäq (2000)
- Jakob Hurda rahvuskultuuri avvohind (2003).