Võro keele iistkõnõlõja
Võro keele iistkõnõlõja om võrokõnõ või võrokõisi sõbõr, kiä mõist võro kiilt ja om ütes kuus iinkujos avaligun võro keele pruukmisõn.
Ammõditunnismärgiq ommaq võro keele iistkõnõlõjal ilmatugi vai sau, kõnnõtoro ja kaalaraha.[1]
Ilmatoe tekk' puutüümeistre Kiholasõ Meelis kuusõst ja imälepäst.
Kõnnõtoro om tett vineerist, selle kavand ja tekk' Tsenter. Ilmatoe ja kõnnõtoro külge om köüdet käsitüülise anodeerit titaan.
Kaalaraha kavandi märkse vällä kunstnik Margna Epp, ehteq teiq valmis kunstniguq Kama Põvvat ja Niinemäe Maarja. Matõrjaaliq ommaq rostõvaba metäll, hõpõ ja rohilidsõs anodeerit titaan.
Iistkõnõlõja hään käen om vineerist kõnnõtoro, mink kavand ja tekk Tsenter. Kuran käen om puutüümeistri Kiholasõ Meelise tett kuusõst ja imälepäst ilmatugi. Mõlõmba asja külge om köüdet käsitüülise Oja Vilve kavandõt ja koet kirivüü.
Egä iistkõnõlõja ammõditähisse pääl om katsaharo, miä sümbolisiir Vana-Võromaa kihlkundi.
Võro keele iistkõnõlõjaq
toimõndaq- Oti Anneli – võrokõsõst poliitik
Oti Anneli nakkas iistkõnõlõjas hää meelega. "Kõik säändse aśaq, mis andvaq võro keelele kõlapinda ja toovaq teema rohkõmb pääväkõrda, ommaq tarviliguq (...) Seo om hää ja uhkõ mõtõq: kuigimuudu piät jo võro kiilt hoitma. Midä rohkõmb mi esiq taad kõnõlõmiq ja avalikkusõ iin üles nõstamiq, tuud rohkõmb om täl ka võimalust. Kõgõ tähtsämb om, et noorõq tulõssiq üten ja näil olnuq julgust umma kiilt kõnõldaq."[2]
- Padari Ivari – võrokõsõst poliitik
Padari Ivari kuulut' joulukuun vällä võrokeelitside joulusalmõ võistlusõ, mink võitjas tull' Säinasti Ene.[3] Mitmõn võrokiilsen ülesastmisõn Riigikogon kõnõl' Padari Ivari rahvalugõmisõst ja kuts' kõiki üles sääl uma keele mõistmist kirjä pandma.[4]
- Plumanni Kaja-Riina – võrokõsõst giid ja aoviidüskunstnik, võro keele aktivist
- Tootsi Tiit – võrokõsõst poliitik
- Jansonsi Silvi – võrokõsõst näütelejä
- Korneli Viiu – võrokõsõst luulõtaja
- Contra – võrokõsõst luulõtaja
- Raju Eliisabet – võrokõsõst pillimängjä
- Jüvä Tuulõ – võrokõsõst aktivist
- Õkva Margit – võrokõsõst kõrraldaja
Lätteq
toimõndaq- ↑ Rahmani Jan 2021. Võro keele iistkõnõlõja Uma Leht 04.11.2021, nr 500. Pruugit 04.11.2021.
- ↑ Rahmani Jan 2021. Võro keele iistkõnõlõja Uma Leht 04.11.2021, nr 500. Pruugit 04.11.2021.
- ↑ Paidre Urmas 2021. Võrokiilne joulusalm tõi puul tsika, koti põrknit ja kardohkit. Lõunaleht 27.12.2021. Pruugit 12.01.2022.
- ↑ Padari Ivari sõnavõtt Riigikogon. Riigikogo stsenogrammiq 13.12.2021. Pruugit 12.01.2021.